Jessie Simple life in the UK

今天是全面解封第二日，要去超市購物，順便去商場買D嘢，可能天氣熱，我們這裡最大的商場沒什麼人，但大多數人都自覺帶口罩，排隊俾錢都保持距離，不知今天是否學生哥開始放暑假，M記和KFC都排晒長龍啊！ 去開商場一定會行下T.K.Maxx ，沒什麼人，可以放心慢慢睇，最後買到心頭好，開心😚

  這些天熱浪光顧，少有的炎热天氣，沒有風扇，唯有開晒窗，我感覺良好，冲杯凍啡，吹下自然風，真的希望熱多一個星期，但我的鄰居卻受不了，他是蘇格蘭人，怕熱不怕冷。 沒有什麼煮意，個個在家飲凍嘢食雪糕零食，都不想食飯，煲一煲雜菜湯，涼拌青瓜，還有一小碟滷水牛展就算，明天又要上超市買菜囉！

Money Trees  劍蘭 喜歡紫色，所以種了很多薰衣草等紫色花。 種了二年，終於開花了。   明天開始英國全面解封，諷刺的是新衛生大臣卻賴嘢，雖然死亡人數好少，但我還是會少出街，戴口罩和人保持距離。 暑假來臨，本想八月學人Book Northumberland Staycation For a Family 一星期，價錢嚇死人已卻步，今天看news原來不算貴，有人訂去Cornwall 一星期要£71,000，哈哈😄，不敢相信啊！ 我還是乖乖在家，種花煮飯煲劇好過。今晚食日式雞翼咖哩飯配蒜蓉炒西蘭花，食完又巡下花園啦！

  天氣熱冇胃口食嘢，但家人要食，唔知煮乜，見有些冷飯，不如用蝦仔雞胸肉炒飯，蘑菇切片煮個蠔油蘑菇幾好味，仲有條腩肉，用孜然粉，辣椒粉 ，鹽醃製半小時後炒熟，包生菜來食又幾清新，飯後果一人一盒西瓜，真係亂咁煮的一餐！

我家前園的花開得幾燦爛 ,今天俾我捕捉到一個唔錯的畫面，但不敢開窗影，怕嚇跑了蝴蝶😅 昨晚已用沙畺粉醃定雞脾  ， 諗住今晚和飯一齊蒸，可以煮少個餸，當我準備晚餐的時候 ,家人提議整蔥油手撕雞  ,去花園剪些芫茜，蔥，用自家熬製嘅蔥油 ，煮沸倒入攪勻，夠晒味，好香，荷蘭豆炒臘腸 ，加埋昨晚食淨啲菜 炒埋一碟，滾油豆腐粉絲湯，我只加了少少水因為得我一個人飲。

今日一早已開始熱了，睡不著七點巳起身了，雪櫃有三枝Heavy cream 月尾到期，要快D用埋佢，今天用一枝來打cream做瑞士卷，香蕉有一條已全熟沒人吃，不如做磅蛋糕，天氣熱煲定涼茶放雪櫃 , 雪到凍冰冰飲仲爽 ,用金羅漢果杞子和菊花仔加水煲45分鐘，連糖都不用放，搞定巳快9點了！ 下午卷好瑞士卷，切一塊再冲杯咖啡當下午茶，味道唔錯，Cream好滑又唔太甜，忙忙碌碌又一天。

  前幾天天氣麻麻，有時落雨有時多雲，好涼爽，但從今天午後開始又有熱浪來襲。 今晚用柱侯醬炆羊腩，加了三片檸檬葉，但食唔到佢的味，下次都係用返香葉好D，朋友之前送了一塊自製烤夫，我加些蘑菇，雲耳，蘆筍，西芹，紅蘿蔔炒埋一碟，幾好味喎，仲有蕃茄肉絲蛋花湯，簡簡單單又一餐。