龍舟競賽
一年一度的龍舟比賽今天舉行，天陰陰本不想去看，最後還是去，將架車停在Business park，再走過去Quayside ，去晚了已進入決賽了 大家都非常開心，有帶狗的，全家一起去加油的 現場氣氛熱烈，最喜歡的是電臺DJ風趣幽默的解說和動聽的音樂 投入的隊員 大家嘻嘻哈哈，友誼第一☝️ 可惜天公不作美，我們沒睇完就離開了，今日行了11,437步，哈哈晚餐可以食多D囉！
Posts
中秋節晚餐
今年中秋我們倆個老人家過，一早倆個小情人已WhatsApp 我倆中秋快樂🎑，小小情人明天才有空回來，他不喜中餐但愛燒味，等明天整燒肉讓他帶回去。 我倆今晚做節，浸隻雞 醬爆大蝦，放了一匙辣豆瓣醬好好吃🤤 涼拌青瓜雲耳蕃茄仔 買了個粉葛 還很有興致地炒了炒扁豆 加埋赤小豆，陳皮，紅蘿蔔，排骨，蜜棗 將浸雞的清湯去掉面頭的油，倒入煲中來煲湯 啖湯好甜好好飲！ 食食下才醒起忘了影靚靚紅玫瑰🌹 我還準備了甜品湯圓，哈哈😄家人搖晒頭，下一餐先喔！ 祝大家中秋佳節快樂！
牛油果+打拋豬肉飯
每次買牛油果都是撞手神，有時價錢貴也未必買到靚，今次終於在德超買到平靚正 牛油果🥑 59p一個，買了兩個，真係估佢唔到，後悔冇買多幾個😅 簡簡單單牛油果炒蛋芝士三明治，牛油果🥑的熟度剛剛好😋 一如既往配上咖啡乳酪，自我感覺健康的早餐。 今年冇時間種嘢，只能在超市買Herbs，忙完一天，晚餐唔想麻煩，煮呢個就最快手 切些青瓜，煎埋蛋 有肉有菜 我倆食唔到太辣，自家煮就最啱自己的口味了！
海鮮
我離開半年，家裡的雪櫃都冇麼貨存，肉類已在Costco入咗好多，接著打電話給魚佬訂些魚蝦蟹，麵包蟹大大隻好生猛，蝦要了一箱，還買了幾條sea bass ,sea bream ,belt fish，應該有排食 ，趁新鮮今晚先食蟹和蝦，簡單D只用水灼。 蟹，🦐超大隻 我要了兩隻公的 好鮮甜，連豉油都唔晒 蝦就一如既往地爽口彈牙，不枉我幫襯佢咁多年 蟹太多膏太大隻，我倆食剩一個，冇飯落肚，煮碗陽春麵給家人，我就黐佢兩啖肉就夠。
朋友
好慶幸自己有幾個知己，大家忙起上來，分分鐘幾個月都沒有聯絡，但好有默契，一有時間就會聚聚。 這個weekend 朋友返uni，約我出去我們的飯堂食嘢傾偈，這個飯堂真的留下好多腳毛，這次轉了新的owner ，還是這麼旺場，它開在大學旁邊，所以全部都是學生和教職員 冇晒檯只有單邊位，我倆志在傾偈無所謂啦，一人一杯matcha latte 味道好濃喔，蛋糕和鬆餅也保持水準，這裡全都是年輕人打理，個個都好有熱誠和禮貌，我倆有傾不完的話題，可惜他們6點要關門。 回到家另一個朋友問我是否在家，她要送她親手製作的月餅🥮來 好靚的包裝 今年她要回香港過中秋，所以沒有時間再做冰皮啦，哈哈這幾年我家的月餅她全包了，多謝🙏真係靚到唔捨得食😘 好感恩在我的身邊總是有幾個知我懂我的朋友💞
親親大自然
週末天氣不算差，一早和家人早餐，大家商量去郊外走走 半夜可能落過雨，泥地有些濕 可能早，沿路都唔多人 這裡不算大，卻有觀鳥屋 我倆坐了一陣咩都睇唔到🤣 湖面上有很多白天鵝🦢，非常醒目，見有人便快速游過來搵食，哈哈對不起我們兩手空空啊！