Jessie Simple life in the UK

摷吓百寶箱，發現還有一包紹興梅菜 沒開過封，不如燜五花腩 加多幾隻蛋一起煮 呢款梅菜還附有筍乾，用清水清洗一下就煮得，不用再放鹽，用汁來撈飯好好味！ 炒碟菜 有肉有菜夠晒啦！

這段時間大多都是晴天，氣溫回升，到了傍晚時分天還沒黑，自家的風信子開始開花🌼 這些本是買來水種放在室內的，但是香氣太濃，而且還要時常換水，之後就移植到室外，好彩它們還是健康生長 這是一個星期前的狀況 鬱金香🌷也開始慢慢長大 玫瑰長出新的嫩葉，可惜還沒有花苞 忍不住又買了一棵Pink blossoms tree，希望它能健康成長！ 近來身邊好多人都傷風咳，煲咗清🔥潤肺靚湯，老少皆宜，好好飲添！ 轉天氣好容易瀨嘢，飲多D湯水，多D運動來增強抵抗力💪💪  

心思思想吃PHO，趁lunch time 又去食 想飲椰青冇，那就改peach ice tea & mango ice tea  唔係好甜，幾好飲 越南春捲必點，好脆口 Beef Pho 冇辣味的米線，今餐大家都吃得滿意👍 題外話，現在的留學生好幸福，學校旁邊就是新建的宿舍，可以多睡一會兒，走幾分鐘就是市中心，購物娛樂一應俱全！  

今天是今年第一個half term的最後一天，走到河邊已看到遠處的摩天輪，和色彩鮮豔的機動裝置 原來這裡有個FUN FAIR 停車場都停滿了🚗，大家都在排隊入場 我就冇興趣去玩啦 走去看看當運動💪 上星期買的黃玫瑰，鬱金香和滿天星看著還不錯吧！

今日我架車要MOT，所以早早起身將架車交給🚗行，   回家飲咗杯咖啡上吓網，就出town去飲茶，這裡的中餐館大多開11:30am，可能是元宵節，非常旺場 三燒河 鮮竹卷 鮮蝦韭菜餃 金錢肚 大大隻蝦餃 炸兩 難食的越南春捲 家人最愛的椒鹽百花釀大腸 真係飽到上心口，晚餐都冇煮，就煮了兩碗小湯圓吃應吓節！ 祝大家元宵節快樂🎉

蒸蝦淥蝦炒蝦食得多有些悶，今日搞搞新意思--焗🦐 呢款蒜蓉芝士   蝦以前怕麻煩，仲是在costco買來焗，但孤寒的我發覺他加價加得好誇張，唯有自己整 真係多咗好多功夫做 再氣炸份三文魚 炒個素菜 開得飯啦！

在Market買了一條牛腱，非常新鮮，用滷水來滷就最啱食啦 順便浸幾隻雞蛋，整個甜酸汁 蒸水蛋 滾個冬瓜蕃茄湯，就開得飯啦！ 牛腱煮的時間比較長，所以我用Instant pot，慳時間和能源，有興趣的朋友請入去看看喔！

這些天在英國的華人圈都在瘋狂搶購COSTCO的榴蓮，初初我還不以為然，因為幾拾年前的唐人舖已經有賣急凍榴蓮啦！但今次全英國的costco第一次入貨，好快沽清，個個都話是貓山王，好好食，朋友之前打電話去詢問，知道今天有貨返，所以一早就去，順便幫我們買 他說今早剛好有，職員還沒上架，大家已入手 一會兒就Empty，真係好瘋狂😅 我剛試吃完，好creamy & sweet ，唔怪得咁多人爭啦😅 再次感謝朋友幫手，可以食到咁正嘅嘢💞💞  

聽新聞報導講英國的老牌店The body shop   將全線執笠，感覺有些傷感，剛好今天經過就進去逛逛，可能大家都看到新聞，店舖比較多人，要排隊付款 Ginger 洗髮護髮產品是他們店經典之作，好好用。 Vitamin E toner 也是我比較喜歡用的，買定枝先。 還有Tea tree oil 對面部皮膚生痘痘的都有很好的幫助。 這些年看著我們熟悉的店一間間地關閉，真的有些傷感。

在市中心的步行街   開了一間燒味店，因為就開在兩間大學的附近，所以有很多大學生幫襯，想吃又不想排隊等候就要避開lunch time 這裡不但有燒味還有日式拉麵，壽司和咖喱 Order 咗一碟三燒飯，有驚喜，燒肉皮脆肉不嚡，燒鴨也皮脆肉夠味，叉燒好有港味，好耐冇食過咁高水準的燒味飯嘍😋 相比之下，日式拉麵就好普通，下次可以跳過，本想再買一份三燒回去，可惜還有事要做。 還有這裡的飲品就麻麻，吃完要去找一間咖啡店補返數 這間咖啡店開在一個不起眼的巷子裏 細細間，但生意唔錯👍倆個年輕人開的，除了單人位，其他的坐位都full晒😅 這個禮拜是half term，大街上人來人往，好不熱鬧！