Jessie Simple life in the UK

通常買鴨我都喜歡整鹽水鴨，把鹽，五香粉和花椒粒用白鍋炒到金黃色（中小火）攤凍再搽勻鴨全身，放入冰箱一，兩日都冇問題 記得提早拿出放至室溫再浸煮，鹹鹹香香餸飯，餸酒都好正。 西蘭花炒牛肉 今年萬聖節，我冇做任何佈置，只準備了一些糖果，等小朋友來敲門，昨天韓國首爾發生的事件真讓人悲傷！

今天開始已轉冬令時間，可以睡多一個鐘，我就慣咗早起，昨晚見涼涼地 已攞定鹹豬骨出來解凍，米也是昨晚洗淨放冰格，今早只將豬骨出水，然後將所有材料放入IP煲，按porridge,30分鐘就搞定 米不用解凍，直接煲。 滿意 現在有很多牌子的油條賣，我不敢試，這款已食左幾十年，用氣炸鍋烤，一滴油都冇落 2，3分鐘就得 家人order的煎餃 真係飽上心口，搞定一切，看看時間才11點 出去散步，樹葉掉得厲害，本想去湖區看秋色，家人太忙，等到他有時間的話，我想已是光禿禿的冬色囉！

一早起床已開始落雨，因為這個星期是half term，加上雨天，商場餐廳一定多人，我還是乖乖煮早餐 左上角是油炸鬼，係中超買急凍的，試用氣炸鍋炸，好得喔，可惜影得唔清楚 見到超市有Brussel sprouts ，好像在提醒我冬季快來啦 土魷蒸肉餅 咁得閒煲下湯，姬茸菇粟米紅蘿蔔煲雜豆，好鬼甜，可能放了太多紅棗和栗子，但在超市買的即食栗子，開左封後好易發霉，整包落又太多，看來要放冰箱。  

自從學識咗醃漬泡菜後就再也沒有出去買過，現在紹菜 周圍都有，就更加方便啦。 材料除了以上這些，我還加了一個小蘋果，懶唔想開水煮糯米粉，學肥媽加了兩湯匙的韓國辣醬 用魚露和少許糖調味，但冇落醋 一棵紹菜都裝到唔少 放雪櫃有排食啦！

一路都是Costco 的忠實粉絲，以前只是收做 business    的人做會員，10年前開始係人都可以做會員，但還是不算太多人，行得舒服，除咗週末，這兩年因為疫情，大家都湧去costco，再加上油價平過出面的油站，日日都好多人，從10月初開始持individual member的人星期一至五要12點後才能進入，但還是這麼多人，看來它家的股票買得過😅 好鐘意食佢的牛角包，新鮮鬆軟又大隻，一盒12個從3鎊多開始食，現在已漲到£5.99 綠茶£9.99漲到了£13.99 奇異果不算貴，這盒£5.69，黃金奇異果卻已漲到七鎊多 雞蛋一盒60個從五鎊多加到£7.29，做飲食的朋友伸，一箱雞蛋之前才20幾鎊，現在50多，生意難做 好彩他們的招牌燒雞大大隻才四鎊多，將雞肉撕成絲 夾三文治都好正😋 這款開心果醬第一次買，好鬼好味，soft and creamy 覺得好食過果占。 我有個朋友是格價專家，她說德超的肉類最平，收到，等我得閒去睇下。

還剩一條苦瓜，今天要清左佢 一邊用氣炸鍋烤魚，一邊用蒜蓉豆豉煮酸菜苦瓜 加了些自家種的小辣椒，好惹味 這款扁豆我好喜歡食，但現在是否唔係season，有點老，橄欖菜清曬囉，買唔買好呢？好味但感覺有好多MSG，次次食完都好渴。 差點忘記還有冬瓜湯，番茄最重要炒出味再加水，放幾片火腿真的幾鮮甜，好好飲。  

這幾天周圍都見到南瓜，賣得又平，我在瑪莎買了一個類似日本小南瓜，煮南瓜湯 先將南瓜蒸熟 然後用牛油把洋蔥蒜粒炒香，放入南瓜和濃湯寶 加水煮，調味料只用了黑椒，鹽 今晚食羊扒 街市的薯仔好平，一大袋才90p，配上沙拉菜和湯 這款綠色皮的小南瓜好味，見到還會再買！  

苦瓜買左幾日要快食，整一味苦瓜炒蛋 用了三隻蛋一條苦瓜，好耐冇食過，苦瓜連水都冇出，甘甘地好好味。 冬菜蒸多寶魚，太大條，剪掉尾才能放入蒸爐。 這是COSTCO買的燒雞，中午食左兩隻髀 晚上把剩下的切件再淋麻辣汁 這樣才夠味 開飯啦！  

行完外圍，最後去參觀cragside house  不要看外面普通，裡面很漂亮，還有一部分的外牆已圍起在維修 進門先見廚房 這是維多利亞時代建築，都鐸復興式建築風格，於1863年落成，裡面富麗堂皇。 主人和日本皇室關係親密，有些日系擺飾和照片  從內望出窗外的景色 工作人員非常熱情，每間房都配有講解員，感覺比我以前參觀的城堡更現代些，還有浴室，桑那廁所工人房都不好意思拍，因為和我們一起參觀的老人非常認真，個個都仔細研究，而我倆只是走馬看花！