牛仔骨
有N年沒有吃過牛仔骨了，這次在H Mart見到有新鮮和急凍的兩款，一定買新鮮啦 第二天晚餐在家煮黑椒蒜片牛仔骨 小情人很有耐心地將蒜切片煎香 好好味 還在韓超買了二扎菠菜和一盒菇，再整個蒜蓉菠菜炒菇🍄 之前幾日都在外面吃飯，反而覺得今餐仲好味😋 可惜今次搭火車回東北部 ,一個人拎唔到太多野 ，否則韓超的急凍食品好啱我買。
Posts
中伏
晚上等小情人收工， 去呢期人氣極旺的H Mart入貨，一入去門口影張相就四圍貢，哈哈😄 買完嘢就去食韓國料理，之前朋友推介的店鋪原來逢星期二休息，馬上上綱搜尋下有間餐館評分有4分，在附近又有地方泊車，就佢啦！ 進去一看好靜噢，只有二，三枱客，但門口第一枱有幾個日本人在喝酒，心諗應該唔錯喎，要自己掃二維碼點餐，唉！只有海鮮煎餅好食，其他的好難食又超級咸。 海鮮煎餅值得一贊👍 一路抱著不浪費食物宗旨的我，食剩一半也不愿打包回家，最衰的是浪費咗一個Quota。
午餐+大英博物館
中午 天太熱，走去Soho搵嘢食，見到Eat Tokyo 冇人排隊，咁就不用傷腦筋了，昨晚已食了魚生、壽司🍣，今餐就食鰻魚飯，我sent相給小情人，他問：又食日本餐，唔厭嗎？當然唔厭啦！哈哈😄 食完飯就出發去大英博物館囉 人都唔少，這次我主要是參觀日本館🇯🇵韓國館🇰🇷 非洲館 Kings Of Library 本想再去歐洲館(希臘，意大利等）看到要走那長長的樓梯就放棄了，留到下次吧，真的走不動了⋯⋯
Covent Garden
今天(24/8)搭地鐵去Covent Garden ，去到11點沒夠，先去間咖啡店朝聖，因為上次在日本miss咗，心掛掛，可能早，有位可以坐住慢慢嘆。 接著四圍行 見到有現場演奏，就停下來看了一分鐘都冇，就有人拿著卡機走來，真的嚇了一跳，哈哈😄 越來越多人，又曬，轉場去別處。
食好西@London 🇬🇧
倫敦地鐵給人的感覺又舊又臭又焗，今次我覺得通風好咗D，唔知是否人少的關係。 從倫敦橋一路走去唐人街食晏 ,因為book 咗剪頭髮，時間充裕。 遇到警察封路，只能兜路走。 一個人走去食越南河。 好耐冇食過中式包了，走去金門餅家買，貴咗好多，一個义燒包£1.80，買了四個款的包成6鎊幾銀😅，味道唔錯 晚上跟著小情人去食了一餐好滿意的日式料理 非常新鮮 最開心的是招呼我哋的是新英國人，剛來咗二個幾月，非常熱情，希望你在英國開開心心！！