Easter Sunday
今天是轉夏令時間的第一天，也是Easter Sunday ，每年都一樣所有大商店，大超市都關門，周圍都好靜，睡到自然醒，早午餐一餐過 晚餐也好簡單 泡菜豆腐蛤蜊湯，加了一些金針菇，紹菜還有自家製的香菇貢丸，好彈牙，現在都不用買肉丸，自己做真材實料，好食得來真係慳好多！ 非常餸飯 昨天滷的牛腱，再煮個麻辣汁給家人 食完天還亮著呢！
Posts
氣炸孜然羊肉串
Easter 超市大減價買了一隻半價羊腿返來，食肉獸最開心，親自製作羊肉串 真❤️抵 而且貨源充足，見到工作人員不停地上架，大家都買回去整Easter Lunch，用氣炸鍋製作也非常方便 還有一半切片，可以打邊爐，隨時炒來食都得 這幾天雖然天氣一流，加上今天球場打波，還是乖乖在家休息好過！ 拍了製作短片，有興趣的朋友可以去逛逛🥰
又high tea
朋友一早就訂咗位約我 今日去high tea 今日是Good Friday，按理應該是吃魚條，周圍的魚條舖都大排長龍 朋友也開始放假，見到我之前的照片，就叫我陪佢一起去，好久不見，倆個人邊吃邊聊天 估唔到今日全場爆滿，好彩佢一早book 祝你有個愉快的假期！
柚子雞翼
家中有一大樽柚子薑蜜，得我間中沖來飲或用來焗蛋糕， 要諗吓計清一清先 試著做柚子薑雞翼，預先將雞翼醃製，再用油煎，最後加入柚子蜜，估唔到效果唔錯喎😋 醬爆大蝦 薑蔥椰菜花 時間過得好快，明天就是Good Friday，祝大家復活節快樂！
急凍去皮枝豆
前些天德超有個日本周，買了一包急凍去皮的枝豆，早早取出解凍，煮前再出出水 用雪菜肉絲來炒，非常惹味 香煎鯧魚 蕃茄紫菜湯 兩餸一湯竟然食唔晒 臨近復活節，超市又有特價啦！ 連三文魚，豬牛羊都有半價，今日收獲滿滿。
泰餐
這兩年市中心發生了很多變化，老牌百貨公司執笠，卻進駐了不少亞洲超市，餐廳，單單亞超就有5，6間，最喜歡越南，泰國餐廳也有幾間，多了很多選擇，今次試泰餐 冬蔭功湯味道濃郁，香濃得來帶小小酸辣味，非常開胃 蝦也算大隻，我倆一滴不剩，全部清晒😋 他們店最popular 的豬腳飯煮得夠味配上酸菜，我食咗大半碟 相比之下，船麵就遜色很多，我試了一啖就放棄了！ 好彩我的拍擋鍾意，佢負責清碟 Thai milk green tea 好好飲，但Thai milk tea 太甜。 哈哈，又食又傾，開開心心又一天！
外賣
今晚得我自己食，唔想煮，就叫了外賣 沙嗲蘑菇大蝦牛配脆麵 脆麵炸得很脆唔油 大大碟我只食咗一半 再清埋最後一盒榴蓮，今晚真的是熱量爆表😅 今晚看到王妃終於出來，面色比較憔悴，原來診斷有癌症，現正進行治療中，希望她能早日康復💪💞
晚餐食D麽
買了一盒豆腐，本想整皮蛋豆腐， 卻忘了家裡冇皮蛋，只有轉煮麻婆豆腐 加些蘑菇，一匙羹辣豆瓣醬連鹽都不用放 蝦仁炒蛋，放些蔥香很多。 朋友送了一包大澳的蝦乾，雖然細隻但非常鮮香，法國瓜粉絲蝦乾 簡簡單單的晚餐。
Lady of the North
天氣開始越來越好，又可以去遠足啦 現在怕辛苦不喜歡揸長途車出埠，就在附近轉轉，風和日麗和家人一起去Lady of the North，英國很多郊野地區都有許多免費的停車場，真的值得一讚 這裡有幾個小山幽組成，如果有航拍機的話，可以拍到想像中北方女士的身體延伸 我只用手機拍下女士的頭和身體的上部分 用另一個角度來看她的頭部，像嗎？ 有架飛機正準備降落 很久以前這裡煤炭開採結束後，就以這種方式使用，很適合一家大小帶著小狗來這裡遊玩，視野開闊心情放鬆的地方，當然還有咖啡廳，長臺長凳方便大家野餐和休息。 天氣好又冇風，真係行得好開心😀