新年新希望 Get link Facebook Twitter Pinterest Email Other Apps December 31, 2021 當我寫這篇文的時候,澳洲,香港,臺灣,新加坡等亞洲地區已是邁入2022年了, 在這祝大家新年快樂🎊🎉 (網上圖片) 放假的這幾天,天天宅在家,整下嘢食,煲下劇和家人一起聊下天,時間好易過,今晚煎牛扒飲紅酒 每年除夕夜我們都會倒數,看煙花,踏進正點開香檳互相祝賀新年,今年也會一切照舊! 希望大家在新的一年:身體健康!合家平安! 心想事成!生活愉快! 家中的花開得燦爛,看得心情都會好好💞💕 Read more
煲定涼茶打邊爐 Get link Facebook Twitter Pinterest Email Other Apps December 30, 2021 這幾天天氣回暖,白天都超過10度,boxing-day出去遊車河,人車都唔多,可能是有些舖頭冇開,到了27號,11點多出門,處處都是車龍 , 最後還是放棄乖乖回家,大家提意打邊爐,仲好啦,唔晒煮,平時孩子們在外冇麼湯水滋潤,今天得閒煲一煲涼茶 金羅漢果,麥冬,雪梨乾和去核紅棗,好好飲,如果攤凍放雪櫃仲正。 沒夠六點已開始打邊爐了,個個都是食肉獸,菜都冇郁過。 食下傾下,不知不覺又食多左。算了,新年後再減吧! Read more
燜羊腩 Get link Facebook Twitter Pinterest Email Other Apps December 29, 2021 我家那位24孝老豆在聖誕前買了很多東西塞爆三個雪櫃,甚怕餓壞兩個寶貝仔,今天燜羊腩, 提早浸定冬菇,枝竹,開一罐冬筍,用南乳,柱侯醬爆香所有食材,放入IP煲20分鐘搞定,再倒入鍋中收汁 英國食羊真的好平,這麼大一塊才10鎊鬆D 又開飯啦! Read more
新口味 Get link Facebook Twitter Pinterest Email Other Apps December 28, 2021 不知是我out,還是新產品,第一次看到有珍珠奶茶味的雪條 我只買了三款 收銀還推薦鳳梨珍珠奶茶味的,我怕太甜冇買,還有兒時超愛食的光明冰磚,價錢有點貴,回到家試了鐵觀音奶蓋好好味,中間還夾著幾粒綿綿的珍珠,有下次😋 Read more
開心過聖誕 Get link Facebook Twitter Pinterest Email Other Apps December 27, 2021 以前過聖誕我們大多是打邊爐,提早向相熟的魚佬預定很多海鮮,去中超預定蔬菜,燒味,肉,丸類 , 或者預早訂位去食中餐。 這幾年才開始煮西餐。 小情人聖誕一早才駕車回來,我叫他盡量中途不要去厠所,另外一個小情人也早早回家了,其實最開心的是一家人圍坐在一起,說說笑笑,吃什麼都無所謂。 早早設檯 今年的聖誕大餐有點hea,頭盆除了羅宋湯,其他我是去M&S買的 煎兩件牛排 焗了一隻雞,底下鋪了很多聖誕蔬菜 除了頭盆是我擺的,其他都是家人負責,甜品是法式燉蛋免焦糖 食完還有娛樂節目,兩個小情人去雜物房找出已封晒塵的麻雀出來陪我打麻雀 我第一鋪就食清一色,哈哈,之後就再也沒食過糊。 Read more
聖誕前夕 Get link Facebook Twitter Pinterest Email Other Apps December 24, 2021 今天一早就開始準備明天的聖誕餐,買了一隻雞,醃製放雪櫃, 煲定一鍋港式羅宋湯,這是我家每年的指定動作 太多料要分兩鍋裝,其他的明天再算吧,做節真累! 祝大家聖誕新年快樂!身體健康! Read more
第一份聖誕禮物 Get link Facebook Twitter Pinterest Email Other Apps December 23, 2021 小情人在前幾個星期問我兩年冇返香港,想不想補下貨?當然想啦,他send了條line給我,當然是買開買熟的舖頭,樣樣都想買,但運輸費都好貴,小情人講當今年的聖誕禮物,ok,揀下揀下都唔少嘢,今天終於收到了! 收包裹最開心😃 Read more
聖誕前的超市食物價格@英國🇬🇧 Get link Facebook Twitter Pinterest Email Other Apps December 22, 2021 還有幾天就是聖誕節了,個個都開始準備食材,先去超市睇睇,一進門已見到聖誕蔬菜 都堆在一起,價錢平到唔信 袋袋都是19p,貨源充足 1.5kg的薯仔也是19p,平時我都唔會買咁大袋的,西蘭花20p任揀 貪心的我又買了兩個。 回到家又收到朋友的whatsapp,佢在另外一間超市買的三文魚£4.99/kg,豬腩肉£3/kg 哈哈,聖誕大特賣! 我還是免了,因為雪櫃已經爆棚啦! Read more
冬至晚餐 Get link Facebook Twitter Pinterest Email Other Apps December 21, 2021 今年得我們二人做節,唔想煮 一早就訂了一隻燒鴨 切開一半,用焗爐的餘溫整熱,好夠味,皮又脆,白灼蝦 蜜糖豆木耳炒自家醃的鹹肉 還有昨晚煲定的湯 早早食完 上網繼續食花生 網絡圖片 Read more
煲湯過冬 Get link Facebook Twitter Pinterest Email Other Apps December 20, 2021 明天是冬至,本想出街食,但有點擔心疫情,還是在家安心些。 趁今晚有空,煲定湯先,雖然得我們兩個老人家,但冬大過年,點都要食好D。 材料黃耳要浸過夜,雞去皮和瘦肉,螺頭一起出水 加上海玉竹,沙蔘,淮山,圓肉 一起煲一個小時,再放入花膠煲半小時,落鹽搞定! 用LC煲,熄火後不要開蓋由得佢慢慢焗,等到明天只要返熱即可。 Read more
梅菜燜豬肉 Get link Facebook Twitter Pinterest Email Other Apps December 19, 2021 食了幾天算是比較清淡的食物,又想食濃味嘢,儲物架上有一袋紹興霉菜乾,打開看看,一陣濃濃的鹹香味,一預燜肉食。 霉菜本身已好鹹,要用清水浸泡,還有些筍乾夾雜在一起,我還放了幾隻雞蛋,明天煮麵可以食 開飯啦! 星期天的簡單晚餐:熟蝦仔炒飯,茄子蒸蝦乾,霉菜燜豬肉蛋 Read more
冷清的聖誕集市 Get link Facebook Twitter Pinterest Email Other Apps December 18, 2021 難得週末好天氣,出去逛逛聖誕集市。 今年的市集已比往年推遲了幾個星期開,但規模只是往年的N分之一 一眼望晒 最後去街市買餸,見到一群老人家在唱聖歌 才感覺到有些聖誕氣氛! Read more