悠長假期開始
終於輪到我飛了，三年沒有 回家了，想去拜拜先人陪陪親人，食吓行吓hea 吓。 希思羅機場非常繁忙，等落機都要等超過半小時，飛機才能泊到位，好彩我要轉機大把時間，還有時間四圍逛。
Posts
煲湯蒸魚
好耐冇煲過老🔥湯了，趁今天有時間煲啖湯蒸條魚 在英國食鱸魚最容易 第一次蒸魚冇淋熟油，最後一分鐘才放上蔥和香菜 蕃茄炒牛肉 西蘭花燴蠔油冬菇 淮山瑤柱蟲草花圓肉杞子瘦肉湯 除了湯其他的全部清晒，主廚當然最開心😃
意粉
在網上看到有人煮意粉好吸引，一於跟 材料簡單，他用煙肉我得西班牙腸 先將蒜蓉腸炒香淋白酒，蛋黃芝士黑椒攪拌均勻後加入，再放意粉如想要濕濕地加些煮意粉的水 我喜歡多多芝士，食肉獸當然想食肉，我幫佢氣炸了一件雞胸肉，竟然冇投訴😊
週末
週末卻要早起，因為架🚗要做MOT，車行下午一時收工，9點前就要去到，放下架車，坐上家人的車但這麼早都不知道去哪裏好，諗諗下去買M記早餐 真係好耐冇食過啦，drive thru都唔晒等 感覺包縮咗水，食唔飽喔😅 百合終於開花了，滿屋的香氣 靚呀！
今餐豐富D
呢幾日食得簡單又清淡（對我家人來說），Nurse 家訪話恢復得好好，只要不吃得太鹹，油膩的食物就可以，所以今晚煮豐富些 紅燒豬腩百頁結加上小半個白蘿蔔 乾燒大蝦🍤 雲耳炒法國瓜，以上所有餸的鹽份，油都減半，講真我都覺得淡，唉，慢慢習慣吧！
雞腿
在德超買了一盒雞腿有四隻才£1.99，用醃料醃了大半天，晚上氣炸雞🍗 淥了半棵西蘭花，煮個洋蔥汁 家人投訴味道太淡，我當然唔理佢啦！ 朋友的孩子今晚回來，她一早又在做餅，等女兒回來有得食喔！ 還特地駕車送來，仲熱熱地添，我忍不住即食，好正啊，最重要的是唔太甜😋😋
簡單一餐
很久沒有吃過西式芥蘭了，加些蠔菇炒牛肉 本想煎蛋餃，但懶唔想煩，煎個大蛋皮來包肉末 再放入蒸爐蒸，順便蒸埋飯和蕃薯 最後放入昨晚的剩飯，慳水慳力 大蛋餃蒸咗20分鐘，唔錯 兩個餸全部清碟 飲多一碗雜菜湯，今次冇放一點肉，居然好甜好好飲。
繼續清淡
跟著醫囑這段時間要食得清淡，最好食白肉，對家人來說真的有些難度 蒸咗一條Sea bream，盡然話腥，食咗兩啖，全部益晒我 豆腐蒸蛋，淋上昨晚食剩的齋菜和少許肉末 滾個蕃茄蛋花湯。 最近超市蕃茄短缺，走了幾間最後才在德超買到。
焗魚，紫菜豆腐湯
這兩天都冇麼心機煮食，好彩之前買了一盒炸魚 用氣炸鍋，一滴油都唔晒落 再滾個紫菜豆腐湯 放了一點肉末吊下味 清清淡淡又一餐 朋友做了壽司和我家人最愛的老婆餅，哈哈家人盡然婉言拒絕了，病了一次，終於不敢再放肆啦！
竹笙煮雜菜
竹笙還是第一次煮，買了很久，朋友提醒要放冰櫃， 因為容易生蟲，一放就有一年有多囉。 用水浸泡15分鐘，剪掉頭尾，加些雜菜蠔油煮好食 煎香豆腐， 因為第一次試，所以竹笙放得唔多，但效果滿意 再浸兩個雞腿和雞翼 配上薑蓉 簡單一餐。
蝦餃
以前差不多每星期都會去飲次茶，但疫情過後，只剩兩間茶樓，而且開始收茶錢，食物方面時好時差，所以 現在多數買急凍點心自己蒸，Costco 的蝦餃呢期做特價減£2.50 我買了兩盒 這款蝦餃的皮比較煙軔，蒸完要即食 內餡唔錯幾好味，所以如果減價買定放冰櫃都唔錯嘅！
突發狀況
星期三下午突然收到電話，話家人不適送去急診，我腦袋一片空白，等我去到醫院時他已沒什麼大礙了，但為了安全起見，醫生要他住兩天醫院觀察一下，這兩天我和小小情人一起醫院，家來回 跑，感覺有點心累。 今晚終於可以出院，講真英國醫院的醫生護士真的好nice，特別當你無助或情緒起伏時，他們都會帶著笑容輕聲細語地安撫你，還會記得你名字，當你去探訪時和你聊下天，還有個直線電話號碼，你可以隨時打電話去詢問家人的情況，他們也非常有禮貌地回答，連藥都幫你裝好方便帶回家 感謝NHS和朋友送的卡片和鮮花，年紀開始大了真的要好好照顧自己
情人節
今天是情人節，走在路上不時見到花店外放滿鮮花，講真價錢不貴，很多餐廳也一早推出情人套餐，我們還是乖乖地在家吃 在Costco 買了一盒青口當頭盆，加埋蒜蓉包 家人喜歡haddock fillet 我食三文魚，配上沙拉菜 一盒青口實在太多，本想煮一半，結果要encore，抵食得來又乾淨新鮮。 簡簡單單又一餐。 祝大家情人節快樂！ 這兩天天氣一流，傍晚在河邊散步，剛好太陽開始下山，好靚呀！