春捲皮包年糕
在網上看到有一種春捲年糕 ，非常吸引，做法也簡單，剛好還有一袋春捲皮，就試試 我的春捲皮是最大size10x10，所以要一剪二但還是覺得大，內餡也要放多點，最好是6x6，就不用剪細 切了半個年糕，可以包很多，包完即炸來食，好好味，掛住食忘了影像，留了一大半放冰櫃，朋友也包了一大盤 都話好好味，年糕熱辣辣又軟綿綿還拉到絲，哈哈今個新年又肥多幾磅😅
Posts
遠足
真係估唔到，今日有12度，天氣好靚，陽光普照，快快做完嘢，🐍出去來個短程遠足 這幾天食得太多有些滯，希望能走遠一點，幫助消化😇 可能是平日，行人稀少，冇風唔凍 看它們多麼悠閒自在 足足行了三個鐘，中間冇停，真心累啊！
開年飯
今天有時間可以煲湯，開年第一煲當然係蓮藕章魚豬骨湯啦 這條豬腩肉已醃製了兩天，用氣炸鍋製作叉燒 M&S這款扁豆做特價才65p一袋 好甜好嫩呀！ 蝦皮菜脯炒蛋，不用落鹽都夠鹹 三餸一湯，就咁易算過完農曆年囉！
大年初一
今天是大年初一，先祝各位 身體健康！ 萬事如意！ 闔家安康！ 恭喜發財！ 睡到自然醒，早午餐煎糕食 晚餐得我倆食，當然煮好意頭菜啦！ 花膠蠔豉發菜瑤柱鳳爪燜冬菇，生菜鋪底 蒜蓉粉絲蒸開邊蝦 清蒸海鱸 鹽水鴨半隻 開枝PROSECCO慢慢嘆 兔年的第一天，睇吓電視，玩吓手機，食吓嘢好快過！
除夕團圓飯
懶開一條龍，今年除夕 唔想煮，所以前兩個星期已訂咗位，本來是想食個個都鍾意的印度餐，但撞正這星期的RESTAURANT WEEK，只有晚上九點以後才有位，退而求其次還是食中餐 生菜包 龍蝦伊麵 大舊肉，好鮮味 魚蛋魚片炒菜芯，魚蛋魚片是大廚自己打的，好彈牙，好鬼正👍 鹹蛋黃炸豆角，新鮮炸，好香口也好熱氣 中式炸牛絲 半隻燒鴨 白飯任裝 這間餐館開在富人區已有幾時年啦，內籠古色古香 入口處的金魚缸 還做外賣送餐，非常繁忙 桌面的擺設很漂亮，服務態度一流，老板親自推薦的House Wine也好飲，還送上水果盤，呢餐食得好開心。 順祝各位： 兔年事事如意，恭喜發財， 身體健康，闔家安康💞💞😘
剪髮+外食
事關我的髮型師將要和他的partner外遊至少一個月，我和朋友就約定今日下午去剪頭髮 髮型師來自法國，非常熱情開朗，每次去我們都有很多話題傾，加上朋友染髮，所以停留了幾個小時，差不多天都快黑，大家都不想回去煮飯，一於去唐人街食，可惜找不到車位，兜來兜去，在紐卡素球場後面才發現有位 天氣冷就在停車場對面食川菜，我倆都可以食到小小辣，叫了一煲招牌乾鍋，有蝦有牛，蔬菜，雞肉魷魚 尖椒肥腸，出奇地好味，知我們唔食辣他用了甜椒👍 一人一碗白飯，食得好開心呀！
簡單一餐
自從買咗氣炸爐之後真的覺得慳返好多時間，用少很多油，今晚又用 佢來幫手煮 雞上髀我們經常食，價錢平，啖啖肉，人少少好過買全雞 椰菜仔過咗聖誕，冇咁靚，但還是鍾意食，今日加些煙肉一起炒 氣炸埋薯條，切些芝士 簡簡單單的一餐。