Jessie Simple life in the UK

小情人好想打邊爐，家人當然舉雙腳支持啦，今餐還是他倆搞 買了一扎鮮活的聖子 不算太大隻，但隻隻生猛 一灼就食得，好味 冬天的菠菜特別甜 今晚大家都專注海鮮，食完小情人又要回倫敦幾天，去公司開會和參加聖誕party，週末再回來。  

昨晚一盒雞腿浸晒，留了兩隻今晚食 用乾花椒爆香，加豉油加醋加辣椒油加糖，左加右加，好惹味 冰櫃還有兩塊鱸魚柳，煎得香香哋 炒西蘭花 求求其其又一餐 德超近期的蕃薯好好吃，一次過蒸咗一袋，明天作早餐。  

之前在中超買了幾個現炸的福建蠔餅來食，和我們平時食開的完全不同，小情人說他整給我們食，叫我準備材料 又炸粉又木薯粉，賣相不佳但味道好好 下次唔好買大隻的蠔，因為怕唔熟，要煎耐些，韓國蠔仔會好D喔👌 一盒雞腿有五隻，他竟然全部浸晒😅 蝦乾榨菜粉絲炒脆瓜 今晚坐著等食，好爽😜  

在Farm Shop買的豬骨   ，醃咗兩晚，今朝煲鹹豬骨粥 今次都是用instant pot來煲，半個多小時就煲好 週末就煮豐富些 天氣冷有熱辣辣的粥吃，感覺好舒服 想看我怎樣用IP煲的話，可以進去看看👀

真係估唔到，今朝起身看看窗外，陽光普照，開機洗衫，接著做早午餐 現在已經好少食英國肉腸，見超市做特價，買了兩盒，今天吃的是蘋果味的，微甜家人不喜歡 淋些gravy，我覺得不錯👌 吃完早午餐就去附近的outlet買嘢，可能是週末又有球賽，周圍都好多人好塞車，回到家簡簡單單，青醬撈意粉，焗些薯仔，煎埋香茅豬排，食完各有各上網煲劇。  

又到了蟹爪蘭開花的季節 這盤已經開了大半了，非常燦爛耀眼 聖誕前夕，商家都推出大量商品，包括整箱的水果蔬菜，之前已買了一箱桔，好掂👍 見到這款梨又再買 我買了三箱，兩箱送禮，留一箱自己吃 我已回購了幾次，大家一致同意這款最好吃，鬆化多汁又清甜。  

每天都在煮煮煮，冇麽好煮意   ，好彩沒人投訴 菜脯蝦皮煎蛋 德超這兩天蔥好便宜，落多D來煎蛋 冬菜蒸魚 大尖椒近期是我的最愛，見到就會買，炒豆乾，炒肉都好好吃。